Grupo Scout Guía Vasco da Ponte 636 - Ferrol - Scouts de Galicia / ASDE

Informamosvos que o Grupo Scout Guía Vasco da Ponte realizará unha labor de servizo o vindeiro 1 de maio no barrio.
A Ruta e o Kraal montaremos o toldo da Tafona que tradicionalmente se instala coincidindo coa celebración dos maios e atenderemos nas mesas servindo a comida e a bebida.
Con esta actividade seguimos implicándonos na vida do barrio e colaboramos, entre outras cousas, na recadación de fondos para as persoas máis desfavorecidas e o mantemento do albergue que a parroquia de Canido ten en Esmelle.
A Irmandade e Catavento estades convidados a asistir a este evento, así como os vosos familiares. A cita será o 1 de maio ás 12:00 h.
Agardámosvos!!!

Este sábado día 28 realizaremos un roteiro pola costa Ártabra para celebrar a Festividade do San Xurxo, que como sabedes, é o patrón de todos e todas as scouts. Quedamos ás 9.45 diante da Concatedral de San Julian, na rúa da Iglesia. Estaremos de volta ás 18.30 no local. Lembra de levar o xantar e a roupa de abrigo e calzado apropiados. A actividade ten un custo de 5€.
Non podes faltar!!!

Os rapaces e rapazas das distintas ramas do grupo organizaron o pasado mes de marzo unha campaña de crecemento para darnos a coñecer. Para iso, elaboraron uns carteis con fotos súas encabezados coa pregunta A que non sabías … que somos scouts?
Estos carteis os colocaron nos seus respectivos colexios e institutos. Neles presentaban ao grupo e animaban a todos e todas as interesadas a pasar unha tarde na Praza de Armas de Ferrol para coñecer de primeira man quen somos os scouts. A convocatoria foi todo un éxito, e de feito, varias persoas asistiron despois a varias reunións no local scout e participaron no campamento desta pasada semana santa. Desde aquí os nosos parabéns a esta iniciativa. Sempre, orgullosos e orgullosas de ser SCOUTS.

Información campamento de semana santa - Irmandade e Ruta
Lugar: Boiro
Datas: do 5 ao 8 de abril
Saída: 11.00 h. do local
Chegada: 17.30 h. no local
Prezo: 60€ soci@s / 80€ non soci@s
Mañan sábado, a Irmandade e a Ruta quedamos para rematar de organizar o campamento de 12.30 a 14.00 h. Durante ese horario, os pais e nais poderán entregar a autorización e pagar o campamento.
De 12.00 a 12.30 h., teremos reunión cos pais e nais dos rapaces e rapazas que asistirán ao Campamento Federal de Escultas (Escoteiros) da nosa Federación, que se celebrará en Canarias. Os e as participantes tamén podedes asistir.

Un saúdo e vémonos maña.

A finde do 17 e 18 de marzo, o noso grupo participou por primeira vez desde que entramos a formar parte de ASDE-Scouts de Galicia no Festival Scout Galego. Un novo paso que fortalece ainda máis o noso compromiso e integración coa nosa Federación. Visitas culturais, o festival da canción, os xogos e probas das olimpiadas e, en definitiva, a convivencia entre todos e todas as scouts dos distintos grupos permitíronnos disfrutar a tope deste completísimo fin de semana na Coruña. Grazas aos Grupos 19, San Jorge 33, Chan 292 e Semente 597 polo recibimento e apoio mostrados durante este Festival. Para o vindeiro agardamos xa poder presentarnos con canción propia e parabéns para o Grupo 19, gañador deste ano.
Agora vos deixamos cunhas fotos das olimpiadas que poderás ver picando "Ler máis".
Tedes máis na páxina de facebook do grupo. Un saúdo.

A Ruta realizamos o pasado mes de febreiro unha saída a Valdoviño para coñecer in situ a problemática derivada da inundación da lagoa da Frouxeira.
Nas fotos podedes apreciar como estaba a situación días antes de que se abrise, de xeito natural, unha brecha na estreita barreira de area que separaba a lagoa do mar. Isto permitiu que a auga se retirase do paseo marítimo e facilitase o acceso ás casas da zona que estaban bloqueadas polo asolagamento.
Unha vez máis puidemos comprobar o difícil equilibrio entre a actuación do home e a natureza. Hai que lembrar que estamos ante un espazo natural, cinco veces protexido pola súa valía ambiental como zona LIC, ZEPA, Rede Natura, Ramsar e humedal internacional. Preservar intacto o noso medioambiente é tarefa de todos e todas.
Un saúdo.

Vos adiantamos uns cálculos aproximados do que pode custar asistir aos campamentos federais que se organizan a nivel de ASDE-Scouts de España para conmemorar o noso centenario.
Este venres como data tope necesitamos saber cantas persoas estarían interesadas en asistir. Os país e nais que non poidades vir á reunión, tedes que transmitirvos vía mail ou telefónicamente cál é a vosa intención antes das 20.00 h. do venres.
En caso de querer participar, haberá que agardar a ter confirmación por parte da organización de cantas prazas corresponden a Scouts de Galicia e de canta xente dentro da nosa federación este apuntada. Podería non haber prazas para todos, polo que sería preciso un sorteo entre a xente interesada.

Campamento Federal de Rovers (Ruta). Camiño do norte entre Cantabria e Galicia do 4 ao 12 de agosto (posibilidade de ampliar “x” días a estancia en Cantabria)
Cota campamento 70€ + 40€ (tren feve Ferrol-Santander) + 40€ (gastos propios e imprevistos)
Total: 150€/persoa
De ir máis días, habería que sumar a esta cantidade 25€/día

Campamento Federal de Escultas (Irmandade). Tenerife do 5 ao 12 de agosto (posibilidade de ampliar “x” días a estancia na illa)
Cota campamento 110 € + 200€ aprox. avión a Tenerife i/v + 40 € (gastos propios e imprevistos)
Total: 350 €/persoa
De ir máis días, habería que sumar a esta cantidade 25€/día

Este venres día 20 as 20.00 h. estades convocados os pais e nais e mailos rapaces e rapazas do grupo a unha xuntanza no local.
Organizaremos a actividade do sábado pola maña, que realizaremos xunto ao grupo 19 en Ferrol e, simultáneamente co resto de grupos de ASDE-Scouts de Galicia, para celebrar que este ano ASDE-Scouts de España cumple 100 años.
Tamén falaremos dentro das actividades organizadas polo centenario da nosa Federación, dos encontros federais de ramas que se organizan a nivel estatal. En concreto das ramas Irmandade (Esculta) que terá lugar en Canarias e Ruta (Rovers) que realizará unha parte do camiño norte de Santiago entre Cantabria e Galicia.
Tamén a rama de Catavento (Scouts) ten a posibilidade de asistir ao encontro que se celebrará en Murcia en Semana Santa. Neste caso, hai outros condicionantes que vos explicaremos na reunión.
Poderás atopar información destas actividades federais no seguinte link:
http://www.scout.es/campamentos-federales/
Un saúdo e ata o venres.